Një zjarr ka shkaktuar alarm pasditen e sotme në një nga zonat qendrore të Tiranës, pranë Xhamisë së Namazgjasë.
Sipas informacioneve paraprake, flakët kanë përfshirë një pjesë të një parkimi nëntokësor në afërsi të zonës. Deri më tani nuk raportohet për persona të lënduar, ndërsa nuk ka ende të dhëna të plota për dëmet materiale.
Forcat zjarrfikëse kanë mbërritur menjëherë në vendngjarje dhe po punojnë për izolimin dhe shuarjen e zjarrit. Paralelisht, shërbimet emergjente po kryejnë verifikime për të përcaktuar përmasat e incidentit dhe shkaqet e rënies së zjarrit.
Autoritetet pritet të japin më shumë detaje pas përfundimit të ndërhyrjes.
