Dy raste të rënda janë regjistruar në Berat dhe Maliq gjatë ditës së djeshme, ku dy persona dyshohet se kanë konsumuar lëndë të rrezikshme helumese.
Njëri prej tyre ka humbur jetën, ndërsa tjetri ndodhet jashtë rrezikut për jetën.
Në Berat, rreth orës 20:30 të datës 11 gusht 2026, ka humbur jetën në spital 38-vjeçari me inicialet I. T. Sipas Policisë, ai dyshohet se kishte konsumuar pesticide në banesën e tij.
Ndërkohë, në Maliq, rreth orës 16:30, shtetasi M. Ç. dyshohet se, nën efektin e alkoolit, ka tentuar të vetëdëmtohet në ambientet e një lokali, duke konsumuar lëndë kimike (zhivë termometri).
M.Ç. është transportuar në Spitalin e Traumës, ku vijon të jetë nën kujdesin e mjekëve dhe raportohet jashtë rrezikut për jetën.