Shqipëria dhe Vietnami kanë nënshkruar një Memorandum Mirëkuptimi për mbërritjen në Shqipëri të punëtorëve nga ky shtet aziatik.
“Nënshkruam sot Memorandumin e Mirëkuptimit me Republikën e Vietnamit për forcimin e bashkëpunimit në fushën e mobilitetit të fuqisë punëtore”, njoftoi Delina Ibrahimaj, Ministër i Ekonomisë dhe Inovacionit.
“Marrëveshja krijon mundësi për punësimin e punonjësve vietnamezë në Shqipëri, duke mbështetur nevojat e ekonomisë shqiptare për fuqi punëtore dhe duke mundësuar migracion të rregullt, të sigurt dhe të qëndrueshëm për punësim, nën kujdesin dhe bashkëpunimin e institucioneve shtetërore të të dy vendeve.
Njëkohësisht, ajo hap rrugën për bashkëpunim më të ngushtë në fushën ekonomike dhe në zhvillimin e aftësive, duke forcuar partneritetin mes dy vendeve”.