Në postimin e kryeministrit Edi Rama janë regjistruar sulme të jashtëzakonshme me profile fake (fallco), të njohura në gjuhën teknike si CIB (Coordinated Inauthentic Behavior). Sulme të tilla përdoren për të ndikuar opinionin publik.
Mijëra llogari fallco në rrjetin social “Facebook” duket sikur kanë “interes” në postimet e kryeministrit duke bërë reagime.
Kujtojmë se postimet e kryeministrit Edi Rama kanë qenë më të shumta këto dy javët e protestës, duke sjellë kështu edhe këto sulme të vazhdueshme në llogarinë e tij.
Lajmi është bërë i ditur nga kreu i Bashkisë Lezhë Pjerin Ndreu, i cili në një postim në rrjetin social “Facebook” ka shkruar:
“Sulm frontal në çdo postim të Edi Ramës! Këta e kanë hallin e Shqipërisë apo i dhemb që s’ua ka marrë njeri seriozisht teorinë e shitjes së Shqipërisë!”