Një tërmet me magnitudë 4.0 të shkallës Rihter është regjistruar në qarkun e Elbasanit, duke shkaktuar lëkundje sizmike që janë ndjerë edhe në disa qytete të tjera të vendit.
Sipas informacioneve paraprake, tërmeti është ndjerë qartë në Tiranë, Elbasan dhe në zonat pranë epiqendrës, ku banorët kanë përjetuar momente paniku për shkak të lëkundjeve të papritura.
Autoritetet përkatëse po monitorojnë situatën dhe deri në këto momente nuk raportohen dëme materiale apo persona të lënduar. Specialistët e sizmologjisë bëjnë thirrje për qetësi dhe kujdes, ndërsa theksojnë se lëkundje të tilla janë pjesë e aktivitetit sizmik të rajonit.
Ndërkohë, qytetarët kanë shpërndarë reagime dhe përjetimet e tyre në rrjetet sociale menjëherë pas tërmetit.
