Në autostradën A5 pranë Appenweier, të shtunën në mesditë ka ndodhur një aksident i rëndë. Sipas policisë, dy gra kanë humbur jetën, shkruan mediumi gjerman, Tagesschau.
Disa media lokale në Kosovë raportuan se dy vajzat (E.Z. 24 vjecare dhe A.Z 18-vjeçare) janë nga Topanica e Kamenicës.
Dy vajza nga Topanica humbin jetën në një aksident tragjik në Gjermani (E.Z 24 vjeç
A.Z 18 vjeç)
Dy vajza me prejardhje nga fshati Topanicë i Komunës së Kamenicës kanë humbur jetën në një aksident të rëndë trafiku që ndodhi të shtunën në autostradën A5, afër Appenweierit në landin Baden-Württemberg të Gjermanisë.
Sipas raportimeve të mediave gjermane dhe policisë, aksidenti fillimisht u shkaktua nga një përplasje mes dy automjeteve gjatë një ndërrimi korsie me shpejtësi të lartë. Si pasojë, automjetet mbetën të ndaluara në rrugë, duke detyruar drejtuesit e tjerë të frenonin papritur. Më pas ndodhi një aksident zinxhiror ku u përfshinë gjithsej pesë automjete të tjera.
Dy gratë, të cilat udhëtonin në të njëjtin automjet, pësuan lëndime fatale dhe ndërruan jetë në vendin e ngjarjes. Një person tjetër u raportua i plagosur rëndë, ndërsa dëmi material vlerësohet të jetë mbi 100 mijë euro.
Autostrada A5 në drejtim të Karlsruhes u mbyll për disa orë, ndërsa ekipet e emergjencës, zjarrfikësit dhe policia zhvilluan operacionet e shpëtimit dhe hetimet për zbardhjen e plotë të shkaqeve të aksidentit.
Familjarëve, miqve dhe të afërmve të viktimave u shprehim ngushëllimet më të sinqerta për këtë humbje të rëndë.
Burimi: Tagesschau (ARD Gjermani) dhe raportimet e policisë së Baden-Württemberg.
Mediumi gjerman shkroi se një person i përfshirë është lënduar rëndë. Në aksidentin pasues të përplasjes nga pas, në të cilin u përfshinë gjithsej pesë makina, humbën jetën dy vajzat.
Shkaku i aksidentit dyshohet të ketë qenë një ndryshim i pasuksesshëm i korsisë. Me shpejtësi të lartë, dy automjete janë përplasur me njëra-tjetrën. Njëri nga të përfshirët është lënduar rëndë. Pesë automjete që po vinin pas nuk kanë arritur të frenojnë me kohë dhe kanë shkaktuar një aksident tjetër zinxhir.
Sipas të dhënave fillestare, pasagjerët e katër automjeteve nuk kanë pësuar lëndime, ndërsa dy vajzat që ndodheshin në një veturë së bashku kanë vdekur në vendin e aksidentit, sipas policisë.
Autostrada A5 në zonën e daljeve të Appenweier në drejtim të Karlsruhe-s ka qenë e mbyllur plotësisht deri rreth orës 20:00 mbrëmë. Kryqi i Kuq Gjerman (DRK) u ka ofruar ujë shoferëve dhe pasagjerëve të bllokuar në kolonë për shkak të temperaturave të larta.
Shërbimet e emergjencës dhe zjarrfikësit kanë qenë në ndërhyrje me një numër të madh forcash. Policia rrugore e Baden-Badenit ka nisur hetimet për shkakun e saktë të aksidentit. Dëmi material vlerësohet në mbi 100.000 euro.