Janë bërë publike shumat që Anthony Joshua dhe boksieri shqiptar Kristian Prenga kanë përfituar nga dueli i zhvilluar në Arabinë Saudite.
Sipas mediave të specializuara të boksit, Kristian Prenga ka arkëtuar rreth 1.17 milionë euro, ndërsa Anthony Joshua ka përfituar 4.68 milionë euro vetëm nga pagesa e garantuar për përballjen.
Megjithëse u mposht me nokaut në raundin e dytë, Prenga zhvilloi një paraqitje që tërhoqi vëmendjen, pasi arriti ta rrëzonte Joshuan dy herë në raundin e parë.
Sipas analistëve të boksit, kjo performancë mund t’i hapë boksierit shqiptar mundësi për duele edhe më të rëndësishme në të ardhmen.
Përveç pagesës bazë, të dy boksierët pritet të përfitojnë edhe të ardhura shtesë nga përqindja e shitjes së transmetimeve pay-per-view (PPV) dhe të drejtave komerciale të eventit, çka mund të rrisë ndjeshëm fitimet e tyre përfundimtare.