Një përleshje fizike është regjistruar ditën e sotme në zonën e urës së Plepave, në Durrës, ku disa persona janë përfshirë në një përplasje të fortë në mes të rrugës, duke shkaktuar tension dhe bllokim të përkohshëm të qarkullimit.
Në pamjet e publikuara nga JOQ shihen një grup të rinjsh teksa godasin njëri-tjetrin, ndërkohë që thuhet se konflikti i cili në pak minuta degradoi në grushte ka nisur për shkak të një mosmarrëveshjeje lidhur me përparësinë e kalimit në urë.
Sipas asaj që qytetarët kanë thënë mësohet se dy prej personave që u përfshinë në konflikt janë shtetas shqiptarë që jetojnë në Itali.
Për disa minuta, përplasja ka krijuar tension në zonë dhe ka penguar lëvizjen normale të automjeteve në këtë segment rrugor.