Një aksident me pasojë vdekjen e një personi është regjistruar në një rrugë rurale që lidh fshatin Bilaj me pjesën tjetër të Fushë-Krujës.
Sipas informacioneve paraprake, në aksident janë përfshirë një automjet tip Volkswagen, i drejtuar nga Viktor Doda, dhe një Benz, me drejtues Kristjan Laskën.
Si pasojë e përplasjes, Viktor Doda, banor i zonës, ka humbur jetën në vendngjarje, ndërsa Kristjan Laska ka mbetur i plagosur rëndë dhe është transportuar për mjekim në Spitalin e Traumës.
Sipas Policisë, dyshohet se aksidenti është shkaktuar nga shpejtësia e lartë me të cilën po lëvizte automjeti i drejtuar nga Laska.
Hetimet për zbardhjen e plotë të rrethanave të ngjarjes vijojnë.