Ku në fshatin Kalludër e Vogël, janë kryer gërmime për shkak të dyshimeve se aty janë mbetjet mortore të mbi 20 civilëve shqiptarë, të cilët ishin rrëmbyer në prill të vitit 1999 në Mitrovicën Veriore.
“Me kërkesë të Prokurorisë Speciale dhe urdhrit të Gjykatës Themelore në Prishtinë, institucionet relevante janë duke zbatuar urdhrin për zhvarrosje, autopsi dhe identifikim të mbetjeve mortore në një lokacion në Komunën e Zubin Potokut”, ka thënë për Euronews Albania zëdhënësja e Prokurorisë Speciale të Kosovës, Arbnora Luta.
Më 23 prill të vitit 1999, 23 shqiptarë u rrëmbyen nga forcat policore dhe ushtarake serbe më tej ata ishin nisur në drejtim të kufirit të Kosovës me Malin e Zi, prej asaj dite fati i tyre nuk dihet.
Dy të arrestuarit e ditës së sotme, dyshohet se kanë lidhje me ngjarjen e rëndë të 27 viteve më parë. Dyshohet se pengjet fillimisht u plaçkitën duke iu marrë paratë dhe sendet me vlerë dhe më pas u ekzekutuan, ndërsa lokacioni në të cilin dyhsohet t’u jenë varrosur trupat mendohet të jetë pranë lumit në fjsatin Kallundër e Vogël, sipas mediave në Kosovë.