Teksa sezoni i ri televiziv po afron, “Big Brother VIP Albania 6” ka nisur të prodhojë aludimet e para, jo vetëm për emrat që mund të hyjnë në shtëpi, por edhe për figurat që do të jenë pjesë e spektaklit.
Një prej pikëpyetjeve që është ngritur së fundmi lidhet pikërisht me Ledion Liçon dhe vazhdimësinë e tij si moderator i formatit. Mes spekulimeve për opinionistët e rinj dhe ndryshimeve të mundshme në edicionin e gjashtë, nuk kanë munguar as diskutimet nëse Ledioni do të jetë sërish në krye të “Big Brother VIP Albania”.
Por një postim i fundit i moderatorit po interpretohet si një sinjal i fortë.
Ledioni ka publikuar në Instagram një fotografi bardhezi, të realizuar përpara një serie pasqyrash, ndërsa mbi të ka shkruar vetëm një fjalë: “Gati!”
Ndonëse ai nuk ka përmendur drejtpërdrejt “Big Brother VIP Albania” dhe as nuk ka dhënë ndonjë konfirmim për sezonin e ri, koha e postimit ka mjaftuar që fotografia të lidhet menjëherë me rikthimin e formatit.
“Gati!” mund të jetë thjesht një përshkrim i momentit apo i një tjetër angazhimi profesional, por mes gjithë diskutimeve që po zhvillohen aktualisht për BBVA 6, postimi merr një tjetër kuptim.
Nëse bëhet fjalë vërtet për një sinjal për “Big Brother”, atëherë Ledion Liço mund ta ketë dhënë përgjigjen e tij me vetëm një fjalë. Konfirmimi zyrtar, megjithatë, mbetet ende për t’u bërë.
