Gjykata e Shkallës së Parë në Shkodër ka caktuar masën e sigurisë “Arrest me burg” për Shtjefën Ziçin, 64 vjeç, i cili vrau pak ditë më parë bashkëshorten e tij, Bardhe Ziçi.
Ziçi ka dalë sot para gjykatës, ku u zhvillua seanca për caktimin e masës së sigurisë, pas ngjarjes së rëndë të ndodhur më 9 korrik në Shkodër.
Sipas informacioneve, 64-vjeçari nuk ka dhënë dëshmi para gjykatës për shkak të gjendjes së rënduar psikike. Avokati i tij mbrojtës ka kërkuar kryerjen e një ekspertimi psikik për të përcaktuar gjendjen e të dyshuarit.
READ MORE Media e madhe amerikane shkruan per Florian Binajn, e pabesueshme ajo qe ka zbuluar per te
Ngjarja tronditëse ndodhi pak ditë më parë, kur Shtjefën Ziçi dyshohet se vrau bashkëshorten e tij brenda banesës së tyre në Shkodër. Hetimet për zbardhjen e plotë të rrethanave të krimit vijojnë nga autoritetet.