Një ngjarje e rëndë dyshohet të ketë ndodhur pasditen e sotme në plazhin e Shëngjinit, ku sipas informacioneve paraprake, një vajzë ka humbur jetën.
Rrethanat e kësaj ngjarjeje mbeten ende të paqarta, ndërsa autoritetet po punojnë për të zbardhur çdo detaj që lidhet me rastin.
Ngjarja ka shkaktuar tronditje mes pushuesve dhe banorëve të zonës, të cilët janë mbledhur pranë vendit ku po zhvillohen veprimet hetimore.
Në vendngjarje kanë mbërritur menjëherë ekipet e emergjencës, policia dhe grupi hetimor, të cilët kanë nisur procedurat për të përcaktuar shkaqet dhe rrethanat në të cilat ndodhi kjo tragjedi, raporton Indeksonline.
Deri në këto momente nuk ka ende një konfirmim zyrtar nëse bëhet fjalë për mbytje apo për ndonjë shkak tjetër që ka çuar në humbjen e jetës së vajzës. Gjithashtu, identiteti i viktimës nuk është bërë ende publik. Autoritetet pritet të dalin me një njoftim zyrtar pasi të përfundojnë verifikimet dhe hetimet e para mbi këtë ngjarje të rëndë.