Një incident i rrezikshëm dhe shqetësues është regjistruar në zonën bregdetare, ku një parashutist ka humbur kontrollin gjatë tentativës për t’u ulur dhe është rrëzuar në det.
Për shkak të situatës së vështirë dhe kushteve të krijuara, ai ka qenë në rrezik serioz për t’u mbytur. Ngjarja ka shkaktuar panik te pushuesit që ndodheshin pranë vendit të incidentit. Fatmirësisht, dy persona që po pushonin në atë zonë kanë reaguar me shpejtësi dhe guxim.
Ata janë hedhur menjëherë në ujë, kanë notuar drejt parashutistit dhe kanë arritur ta nxjerrin atë në breg në kohë. Pas shpëtimit, atij iu dha ndihma e parë nga personat e pranishëm dhe më pas u transportua me urgjencë në spital për trajtim të specializuar mjekësor.
Falë ndërhyrjes së shpejtë të pushuesve, u bë e mundur shmangia e një tragjedie të mundshme.