Ditën e djeshme në zonën e njohur si kthesa e Kamzës një i mitur 17-vjeçar u plagos aksidentalisht nga shoku i tij 19 vjeçar në kokë.
Ndërkohë mësohet se ai ende vijon të jetë në rrezik për jetën. Bazuar në burime për mediat nga spitali i Traumës, i mituri është në gjendje të rëndë shëndetësore teksa po merr trajtim intensiv pas plagës së marrë.
Kujtojmë se ditën e djeshme policia prangosi autorin e dyshuar 19-vjeçarin Rigels Sylaj, i cili mësohet se është djali i një ushtaraku.
Ai kishte ftuar në banesëne tij tre shokët e tij në një festë ku po konsumonin edhe alkool, teksa u tregonte një pistoletë të cilën e kishte pa leje.
Tre shokët e kanë nxjerrë 17-vjeçarin në oborrin e banesës dhe kanë telefonuar ambulancën. Ata në fillim thanë se e kishin gjetur të plagosur në oborr, dhe më vonë pranuan atë që kishte ndodhur.