Tetë persona kanë mbetur të lënduar si pasojë e një aksidenti trafiku që ka ndodhur mëngjesin e sotëm në autostradën “Ibrahim Rugova”.
Mësohet gjithashtu se, në mesin e të lënduarve është edhe një grua shtatzënë, e cila ka marrë ndihmën e parë mjekësore.
Sipas informacioneve nga Policia në Kosovë, në aksident janë përfshirë gjashtë automjete.
Shefi i emergjencës në Prizren, Hekuran Veçgishti, tha se shtatë nga të lënduarit janë dërguar në emergjencë dhe se janë në gjendje të përmirësuar.
Njësia e Autostradës ka dalë në vendin e ngjarjes dhe është duke zhvilluar procedurat hetimore për zbardhjen e rrethanave të aksidentit.