Një lajm i trishtë është mësuar nga bota e politikës në Kosovë pasi është ndarë nga jeta njëri prej politikanëve që i dedikoi një jetë shërbimit të vendit dhe shoqërisë, Lulzim Konjufca.
Lajmin e kobshëm e ka bërë me dije politikani Shukri Buja i cili zemërthyer shkruan se është ndarë nga jeta njëri nga themeluesit e Degës së PDK-së në Lipjan dhe aktivist i palodhur i Partisë Demokratike të Kosovës.
Përveç kontributit të tij që dha ndër vite në jetën politike të vendit, Buja e kujton Konjufcën si një ndër pajtuesit e gjaqeve e viteve ’90.
Edhe pse Konjufca u largua përgjithmonë nga kjo botë, ai do të kujtohet gjithë jetën për kontributin që i dha vendit dhe popullit të tij.
Newsbomb.al i shpreh ngushëllime familjes Konjufca për humbjen tragjike të njeriut të tyre të zemrës.
Postimi i politikanit Shukri Buja:
Me dhimbje të thellë mora lajmin e hidhur për ndarjen nga jeta të Lulzim Konjufcës nga Llugaxhia e Lipjanit.
Lulzimi ishte njëri prej pajtuesve të gjaqeve në vitet ’90, aktivist dhe një kontribues i jashtëzakonshem i Fondit “Vendlindja Thërret” në Angli, njëri nga themeluesit e Degës së PDK-së në Lipjan dhe aktivist i palodhur i Partisë Demokratike të Kosovës.
Jeta dhe veprimtaria e tij do të kujtohen me respekt për kontributin e dhënë në shërbim të vendit dhe shoqërisë.
Ngushëllimet më të sinqerta familjes Konjufca, të afërmve, miqve dhe të gjithë atyre që e njohën dhe e vlerësuan.
Qoftë i përjetshëm kujtimi për të!