Një lajm i trishtë ka ardhur nga kryeqyteti, ku mjekja infektologe Sabahet Dedja është ndarë nga jeta ditën e djeshme. Dedja kohët e fundit ka punuar si mjeke infeksioniste në Qendrën Shëndetësore të Specialiteteve Nr. 2 të Tiranës.
Lajmin për ndarjen nga jeta të mjekes, e kanë dhënë familjarët e dhe kolegët e saj, përmes shënimeve në rrjetet sociale, ku kanë reaguar të prekur.
Në lidhje me ndarjen nga jeta të mjekes Dedja ka reaguar edhe mjeku i njohur Tritan Kalo, i cili shkruan se kolegia e tij ishte një njeri i rrallë dhe me shumë vlera si mjeke dhe me cilësi profesionale për tu admiruar.
“Herët në mëngjes më njoftuan se kishte ndruar jetë Dr. Sabahet Dedja, Infektologe dhe kolege prej dhjetra vitesh…
NJERI i rrallë me shumë vlera si dhe MJEKE me cilësi profesionale për tu admiruar… Ka qënë një motër e munguar e imja si dhe në mungesën time në Tiranë, ishte ajo e cila përkujdesej për të dy prindërit e mi…
U prehsh në Paqë zemër dhe hallemadhja Dr. Sabaheti, dhe të qoftë sa më i lehtë dheu i tokës sonë… BRENGA e saj e jetës, largimi nga Shërbimi i Sëmundjeve Infektive në QSUT, ndërkohë që ishte me leje lindjeje…”, shkruan mjeku Kalo.