Një situatë e papritur ka vendosur Mateo Borrin në qendër të vëmendjes, pasi ish-banori i Big Brother VIP u bë pjesë e një kamere të fshehtë të realizuar nga emisioni “Andale”.
Gjithçka ishte organizuar me ndihmën e motrës së tij, Kejsit, e cila pranoi të bashkëpunonte me stafin e emisionit për t’i bërë surprizën Mateos.Sipas skenarit, ajo e telefonoi vëllain duke i treguar se një djalë po e ngacmonte dhe po e shqetësonte vazhdimisht. Menjëherë pas telefonatës, Mateo u nis drejt vendit ku ndodhej motra.
Sapo mbërriti dhe pa të riun pranë saj, ai reagoi menjëherë duke i kërkuar llogari dhe duke u vendosur përpara motrës për ta mbrojtur.Pamjet tregojnë se situata u tensionua shumë shpejt, ndërsa në një moment Mateo shihet duke e kapur dhe tërhequr nga bluza personin që sipas tij po shqetësonte Kejsin.
Kur organizatorët kuptuan se situata po bëhej serioze, ata ndërhynë menjëherë dhe i treguan se gjithçka ishte pjesë e një kamere të fshehtë.
Megjithatë, edhe pas zbulimit të së vërtetës, Mateo vazhdoi të ishte i tensionuar, duke treguar se reagimi i tij kishte qenë plotësisht spontan.
Videoja po shpërndahet me shpejtësi në rrjetet sociale, ku shumë ndjekës kanë vlerësuar mënyrën se si ai reagoi për të mbrojtur motrën e tij.