Gjykata e Shkodrës la në burg të riun, e arrestuar si shkaktar i aksidentit tragjik ku humbi jetën një 62-vjeçar dhe u plagosën tre persona. Mbrojtja kërkoi masë më të lehtë për shkak të problemeve të shëndetit mendor, por kërkesa u rrëzua nga gjykata.
Gjykata e Shkodrës vendosi të mbajë në burg 36-vjeçarin Adnan Galica, i dyshuar si shkaktar i aksidentit tragjik ku humbi jetën 62-vjeçari Shkëlqim Krasniqi dhe mbetën të plagosur Fatbardh Lishi me dy fëmijët e mitur.
Togat e zeza vendosën arrest me burg pa afat për të riun, duke mos pranuar kërkesën e avokatit mbrojtës, i cili kërkoi një masë më të lehtë sigurie me argumentin se ai vuan nga probleme të shëndetit mendor dhe është i pajisur me kartelë mjekësore për skizofreni dhe epilepsi.
Avokati tha se këto probleme kërkojnë trajtim të specializuar dhe monitorim të vazhdueshëm në institucion shëndetësor, jo mbajtje në paraburgim.
Ai argumentoi se klienti i tij ka pësuar një aksident kur ishte 18 vjeç dhe ka qëndruar rreth një muaj e gjysmë në koma, çka sipas tij i ka lënë edhe pasojat shëndetësore që e kanë shoqëruar më pas.