Një ngjarje e pazakontë është regjistruar në Gliwice të Polonisë, ku një fermer 60-vjeçar është arrestuar pasi dyshohet se shkatërroi me traktor rreth 200 metra asfalt të saposhtruar.
Sipas Policisë, 60-vjeçari shkoi me traktorin e tij në rrugën “Rybacka”, në Ostropa, dhe kaloi plugun mbi asfaltin e ri.
Autoritetet lokale e kanë përllogaritur dëmin në rreth 400 mijë zloty, ose afro 93 mijë euro.
Fermeri pretendoi se ishte pronar i rrugës dhe se punimet që po kryheshin aty ishin të paligjshme. Pas incidentit, ai u arrestua nga Policia.
Prokuroria e akuzon për shkatërrim të pronës me vlerë të konsiderueshme dhe ka kërkuar caktimin e masës së paraburgimit për tre muaj.
Nëse shpallet fajtor, 60-vjeçari rrezikon një dënim nga një deri në dhjetë vite burg.