Punimet në aksin rrugor Elbasan–Qafë Thanë po vijojnë me ritme të larta.
Kështu shkruan kreu i qeverisë, Edi Rama, në një postim në rrjete sociale të shpërndarë këtë të premte, 7 gusht, duke shoqëruar me pamje nga punimet.
Sipas tij, investimi synon të përmirësojë lidhjen e Korçës dhe të gjithë juglindjes me pjesën tjetër të vendit, duke e bërë qarkullimin më të shpejtë, më të sigurt dhe më modern.
“MIRËMËNGJES 😊 dhe me punimet që vijojnë me ritme të larta në aksin Elbasan–Qafë Thanë, një investim që do ta bëjë lidhjen e Korçës dhe gjithë juglindjes me pjesën tjetër të vendit më të shpejtë, më të sigurt dhe më moderne, ju uroj një ditë të mbarë”, shkruan Rama.