Kreu i Grupit Parlamentar të Partisë Socialiste, Taulant Balla, ka reaguar për lajmin e trishtë të ndarjes nga jeta në moshë të re të biznesmenit shqiptar që jetonte në SHBA, Kujtim Funiçi.
Në një postim në Facebook, Balla shkruan se Funiçi ishte një aktivist i palodhur i çështjeve kombëtare shqiptare.Më tej, Balla shkruan se ka pasur nderin ta takojë biznesmenin disa herë gjatë takimeve me diasporën shqiptare në Amerikë.
“Lajm shumë i trishtë për komunitetin shqiptar të New York-ut, SHBA: ndarja e parakohshme nga jeta e Kujtim Funiçit, aktivist i palodhur i çështjeve tona kombëtare. Kam pasur nderin ta takoj disa herë Kujtimin në takimet me diasporën tonë në Amerikë. U prehsh në paqe, o mik i veçantë”, shkruan Balla.
